Все записи автора Bazhena

Увага! Конкурс!

Паважаныя калегі!

Мінскае абласное аддзяленне ГА «Саюз пісьменнікаў Беларусі» аб’яўляе конкурсны адбор вершаў (да 16 радкоў) на тэму «Бачу Беларусь такой…»

Вашы творы мы чакаем да 1 красавіка 2018 года на электронный адрас аддзялення (maaspb@tut.by) з паметкай «Для конкурснага адбору».

Лепшыя вершы будуць уключаны ў фотаальбом Уладзіслава Цыдзіка «Бачу Беларусь такой», які будзе выдадзены РВУ «Выдавецкі дом «Звязда» ў 2018 годзе.

Віншуем нашых паважаных мужчын!

Шчыра віншуем з Днём абаронцаў Айчыны і Узброеных Сіл Рэспублікі Беларусь!

Жадаем усім вам настойлівасці ў дасягненні пастаўленых мэтаў, нязломнасці перад цяжкасцямі сучаснага жыцця, імкнення да прафесійнага майстэрства.

Няхай ваша творчасць нясе чытачам ідэалы міру, трываласці, мужнасці і патрыятызму!

Мінскае абласное аддзяленне Саюза пісьменнікаў Беларусі

 

Гэтым лютаўскім днём адметным,

Пэўна, ў кожнай нашай жанчыны

Асаблівая ёсць прычына

Пажадаць долі добрай, светлай

Нашым мужным, адважным, верным,

Што гісторыяй усёй праверана,

Бацьку, мужу, і брату, і сыну –

Усім сваім дарагім мужчынам.

І сягоння вітаць мы рады

З вашым, любыя нашы, святам –

Слаўным Днём абаронцаў Айчыны!

Хай не будзе для слёз прычны

Ні ў дзяцей, ні у маці, жонкі,

Ні ва ўсёй нашай роднай старонкі.

Каб не гінулі больш салдаты,

Каб вярталіся ўсе дахаты,

Доўг аддаўшы сваёй Айчыне,

Нашы хлопцы, нашы мужчыны!

Мірным каб было наша неба,

Пахлі рукі не порахам – хлебам!

Хай жа сонейка ясна свеціць,

І пяюць, і смяюцца дзеці,

Толькі радасць прыходзіць у хаты —

Бацьку, мужу, сыночку, брату,

І сябрам, якіх у нас багата,

Так жадаюць жанчыны.

Са святам!

Валянціна Гіруць-Русакевіч, г.Валожын

 

Вершам і песняй душу спавядаю…

Вершам і песняй душу спавядаю…

«Будзеш рухацца – горы перавернеш, будзеш сядзець – у яму скоцішся», — адна з жыццёвых высноў паэта-песенніка, члена Саюза пісьменнікаў Беларусі нашага земляка Кастуся Цыбульскага.

Сваімі назіраннямі, разважаннямі, знаходкамі ён падзяліўся ў час творчай сустрэчы «Я мілую гэты свет» у цэнтральнай раённай бібліятэцы імя Максіма Багдановіча. Канферэнц-зала ў «Вераску» была перапоўнена, і гэта, як зазначыў пісьменнік Міхась Казлоўскі,  яскравае пацвярджэнне таму, што творчасць Кастуся Пятровіча любяць і цэняць на малой радзіме, як, зрэшты, і ва ўсёй краіне.

Вершы беларускіх паэтаў гучалі на сустрэчах пісьменнікаў Міншчыны

Вершы беларускіх паэтаў Бажэны Мацюк, Ірыны Карнаухавай, Віктара Кажуры, пераклады вершаў паэтаў Нуратдзіна Юсупава (Дагестан), Арбі Мамакаева (Чачня), Жака Прэвера (Францыя), Оніла Кандзісілала (Бангладзеш) гучалі на літаратурных сустрэчах пісьменнікаў Міншчыны з маладымі жыхарамі Вілейкі.

Акция «Сучасныя пісьменнікі — дзецям» прошла в день выборов в местные Советы депутатов

В день выборов в местные Советы депутатов с целью популяризации чтения и формирования позитивного имиджа белорусской книги среди детей младшего школьного возраста ОАО «Белкнига» при поддержке Администрации Центрального района г.Минска и Министерства информации провело акцию «Сучасныя пісьменнікі — дзецям». В рамках акции в ГУО «Гимназия № 29 г. Минска» была организована презентация книжной продукции, реализуемой в торговой сети ОАО «Белкнига».

Г. Аўласенка. Колькі колераў у лета?

Кніжныя навінкі Выдавецкага дома «Звязда»

“Колькі колераў у лета? Дзіцячыя вершы, казкі, казачная аповесць”

Гэтая кніга – зборнік дзіцячых твораў вядомага беларускага пісьменніка Генадзя Аўласенкі. У першым раздзеле  вас чакаюць вершыкі на самыя розныя тэмы: і вясёлыя загадкі з заменай літар (чаравік тут ператвараецца ў баравік, а куніцы становяцца суніцамі), і лаканічныя чатырохрадкоўі пра рохкаючых і рагочучых жыхароў двара, і дзіцячыя фантазіі пра сапраўдны заапарк у кватэры і палёты ў космас на табурэтах, а таксама калыханкі, весялінкі, гумарынкі…

Другі раздзел кнігі – гэта казкі пра звяроў, птушак, рыб, лясныя расліны, а яшчэ –  пазнавальныя замалёўкі па гісторыі і геаграфіі, што расказвае аўтару (і чытачам) не хто іншы, як дзядуля Дняпро, самая вялікая і знакамітая беларуская рака.

Чаму правы бераг Дняпра значна вышэйшы за левы? Як спраўляе імяніны карась? Ці бываюць самы пяць метраў у даўжыню? Якую рыбу апошні раз бачылі ў водах Дняпра ажно ў 1927 годзе? Чаму дразды лепш за ўсіх спяваюць? Для чаго бабру плоскі хвост, падобны на вясло? Чаму мядзведзь зімой у бярлозе спіць? Якую птушку можна лічыць самай беларускай? Шмат гісторый і казак ведае дзядуля Дняпро. А якія яшчэ не ведае – тыя яму хутка прынясе маленькі чароўны Вожык, што ходзіць па лесе і збірае іх у берасцяны кошык. Менавіта яго казкі паслухаў аўтар і ўключыў іх у трэці раздзел.

А яшчэ ў кнізе прытаіліся невялікія гісторыі пра дзяўчынку Дашу і казачная аповесць пра Малпачку – дачку Нябеснага Дракона.

Талент, замацаваны гадамі

Нядаўна грамадскасць Расіі адзначыла 80-годдзе з дня нараджэння вядомага артыста, таленавітага аўтара і выканаўцы песень Уладзіміра Высоцкага. Паводле нядаўняга апытання грамадскай думкі, прозвішча гэтай творчай асобы па папулярнасці займае другое месца пасля Юрыя Гагарына. Людзі старэйшага пакалення (памёр Уладзімір Сямёнавіч у 1980 годзе) добра памятаюць яго выступленні ў тэатры, ролі ў кінафільмах, незабыўныя канцэрты.

Да 210-годдзя В.І.Дуніна-Марцінкевіча

10 лютага ўдзельнікі народнага літаратурна-мастацкага аб’яднання “Рунь” Валожынскага раённага цэнтра культуры запрасілі школьнікаў горада ў залу РЦК на літаратурную сустрэчу-знаёмства “Паклон удзячных нашчадкаў” да 210-годдзя з дня нараджэння   паэта і драматурга, рэжысёра і артыста, моцнага духам змагара за беларускую нацыянальную культуру В.І.Дуніна-Марцінкевіча.