У пісьменніцы Вольгі Савасцюк – юбілей!

Літаратары Міншчыны ад усяго сэрца віншуюць Савасцюк Вольгу Уладзіміраўну з 60-гадовым юбілеем.

Вольга Уладзіміраўна значную частку свайго жыцця аддала літаратурнай творчасці і журналістыцы. Яна з’яўляецца выдатнікам друку Беларусі, лаўрэатам Мінскай абласной літаратурнай прэміі, аўтарам кніг «Сустрэча», «Арэлі на вясёлцы», «Палахлівы матылёк» і іншых.

Пісьменніца – разнастайны ў творчасці чалавек – публіцыст, празаік, паэтэса. Свае творы адрасуе і дзецям.

Жадаем нашаму калегу па пяру моцнага здароўя, новых творчых набыткаў і дабрабыту!

З павагай,

старшыня Мінскага абласнога аддзялення Саюза пісьменнікаў Беларусі                          Л. М. Крыванос