Пайшоў з жыцця паэт Уладзімір Рунцэвіч
Раптоўна на 72-м годзе пайшоў з жыцця пухавіцкі паэт Уладзімір Рунцэвіч.
Уладзімір Міхайлавіч нарадзіўся ў вёсцы Дайнава Пухавіцкага раёна. Скончыў Салігорскі горны тэхнікум. Яго дэбютная літаратурная публікацыя адбылася ў Пухавіцкай раённай газеце “Сцяг працы” ў 1980 годзе. Творчую літаратурную дзейнасць актыўна ажыццяўляў у складзе народнага клуба паэтаў і кампазітараў “Жывіца” Мінскага абласнога цэнтра народнай творчасці.
У 1997 годзе быў выдадзены першы паэтычны зборнік Уладзіміра Рунцэвіча “Голас чалавека на зямлі”. Потым выйшлі кнігі паэзіі: “Птушкі дзяцінства”, “Шчасце”, “Пасля сябе пакіну дабрыню”, “Кветкі вясны і кахання” і іншыя.
Пісьменнікі Міншчыны смуткуюць і шчыра спачуваюць родным і блізкім Уладзіміра Міхайлавіча.
Старшыня Мінскага абласнога аддзялення
Саюза пісьменнікаў Беларусі Л.М. Крыванос