Яўген Пясецкі

Пясецкі Яўген Віктаравіч нарадзіўся 7 студзеня 1949 года ў Смалявічах.  Працаваў у рэдакцыі смалявіцкай раённай газеты “Ленінскі заклік”. Служыў у Савецкай арміі. Адукацыю журналіста атрымаў у Беларускім дзяржаўным універсітэце. У рэспубліканскай газеце Звязда працуе з 1971 года.

Аўтар зборніка паэзіі “Кола дзён”. Вершы рэгулярна друкуюцца на старонках перыядычных выданняў, літаратурных зборнікаў, гучаць у радыё- і тэлеперадачах.

Лаўрэат прэміі Саюза журналістаў Беларусі “Залатое пяро”, пераможца Нацыянальнага конкурсу сродкаў масавай інфармацыі “Залатая ліцера” ў намінацыі “Лепшы рэпарцёр”. Узнагароджаны медалём Францыска Скарыны (2007).