Віншуем пераможцаў абласнога этапу рэспубліканскага конкурсу “Жывая класіка: прысвячэнне маёй Радзіме”

Пераможцы раённых этапаў сабраліся разам, каб паказаць свой артыстызм, глыбіню пранікнення ў вобраз і сэнс твора, павагу да класічнай беларускай літаратуры.

У склад журы конкурса ўвайшлі: старшыня Мінскага абласнога аддзялення Саюза пісьменнікаў Беларусі Святлана Быкава; члены Саюза пісьменнікаў Беларусі, вядомыя паэты і пісьменнікі Бажэна Ганушкіна, Сяргей Клімковіч і Яўген Пясецкі; загадчык аддзела літаратурнага рэдагавання выдавецтва “Адукацыя і выхаванне” Міраслава Шавыркіна; тэлерадыёвядучы, старшы выкладчык Інстытута журналістыкі Беларускага дзяржаўнага ўніверсітэта Алег Лепешанкоў; пераможца другога Міжнароднага конкурсу юных чытальнікаў “Жывая класіка” Віктар Шыман; супрацоўнікі Мінскага абласнога інстытута развіцця адукацыі. Прызы для пераможцаў конкурсу падрыхтавалі выдавецтвы “Адукацыя і выхаванне” і “Аверсэв”, Музей дзяцінства (г. Мінск).

Мерапрымства пачалося з выступлення рэктара Мінскага абласнога інстытута Святланы Сітнікавай, якая адзначыла важнасць развіцця дзяцей і падлеткаў праз павышэнне ў іх цікавасці да беларускай літаратуры. Старшыня журы Святлана Быкава выступіла са сваім вершам i пажадала юным чытальнікам Міншчыны поспехаў.

Багата і разнастайна былі прадстаўлены творы, якія чыталі юныя выканаўцы: вершы народных паэтаў Янкі Купалы, Якуба Коласа, Пятруся Броўкі, Аркадзя Куляшова, Пімена Панчанкі, Ніла Гілевіча; проза Васіля Быкава, Кузьмы Чорнага і інш. Асабліва многа твораў, абраных для выступленняў, было прысвечана малой радзіме (“Случчына” Васіля Віткі, “Раён Старадарожскі” Кастуся Цвіркі, “Бярозы Айчыны” Раісы Баравіковай і інш.). Пры падвядзенні вынікаў конкурсу членамі журы была адзначана высокая падрыхтоўка ўдзельнікаў.

98 удзельнікаў спрачаліся за права прадставіць Мінскую вобласць на рэспубліканскім этапе конкурсу. Пераможцамі сталі:

у 1-й узроставай катэгорыі (пачатковыя класы):

Тарарай Паліна, навучэнка ДУА “Сярэдняя школа № 2 г. Стоўбцы”, – дыплом 1-й ступені (Янка Купала, “Сын і маці”);

Корж Дыяна, навучэнка ДУА “Сярэдняя школа № 10 г. Салігорска”, – дыплом 2-й ступені (Хведар Гурыновіч, “Маленькая даярка”);

Мілеўская Аліна, навучэнка ДУА “Дорскі вучэбна-педагагічны комплекс дзіцячы сад – сярэдняя школа” Валожынскага раёна, – дыплом 2-й ступені (Якуб Колас,“Савось-распуснік”);

Лукша Ганна, навучэнка ДУА “Вілейская гімназія № 2”, – дыплом 3-й ступені (Уладзімір Дубоўка,“ Як унук дзеду дапамог”);

Цэхановіч Багдан, навучэнец ДУА “Сярэдняя школа № 2 г. Мар’іна Горка” Пухавіцкага раёна, – дыплом 3-й ступені (Якуб Колас, “На рэчцы зімою”);

у 2-й узроставай катэгорыі (5-6 класы):

Дзільман Вікторыя, навучэнка ДУА “Сярэдняя школа № 2 г. Мар’іна Горка” Пухавіцкага раёна, – дыплом 1-й ступені (Якуб Колас, “Мой дом”);

Ветлова Ангеліна, навучэнка ДУА “Маркаўская сярэдняя школа Маладзечанскага раёна”, – дыплом 2-й ступені (Уладзімір Ліпскі, урывак з аповесці-споведзі “Мая Беларусь”);

Тумар Данііл, навучэнец ДУА “Смалявіцкая раённая гімназія”, – дыплом 2-й ступені (Уладзімір Караткевіч, “Беларуская песня”);

Меранкова Мілана, навучэнка ДУА “Гімназія № 1 г. Барысава”, – дыплом 3-й ступені (Вячаслаў Адамчык, “Пах летніх траў”);

Копцік Анастасія, навучэнка ДУА “Сярэдняя школа № 4 г. Салігорска”, – дыплом 3-й ступені (Пятрусь Броўка, “Калі ласка”);

у 3-й узроставай катэгорыі (7-8 класы):

Дзямітка Канстанцін, навучэнец ДУА “Забалоцкая сярэдняя школа” Смалявіцкага раёна, – дыплом 1-й ступені (Уладзімір Караткевіч, “Беларуская песня”);

Прыгава Аліна, навучэнка ДУА “Сярэдняя школа № 3 г. Крупкі”, – дыплом 2-й ступені (Аркадзь Куляшоў, “Балада аб чатырох заложніках”);

Пстыга Аляксандр, навучэнец ДУА “Гурнаўшчынскі вучэбна-педагагічны комплекс дзіцячы сад – базавая школа Клецкага раёна”, – дыплом 2-й ступені (Кастусь Кірыенка, “Жураўліныя дзянёчкі”);

Чалевіч Ірына, навучэнка ДУА “Гольчыцкая сярэдняя школа” Слуцкага раёна, – дыплом 3-й ступені (Алена Масла, “Месяцовая дарожка”);

Шарафановіч Надзея, навучэнка ДУА “Чурлёнскі вучэбна-педагагічны комплекс дзіцячы сад – сярэдняя школа” Вілейскага раёна, – дыплом 3-й ступені (Ніл Гілевіч, урывак з рамана ў вершах “Родныя дзеці”);

у 4-й узроставай катэгорыі (9-10 класы):

Волкава Мілана, навучэнка ДУА “Уздзенская раённая гімназія”, – дыплом 1-й ступені (Алесь Бачыла, “Ластаўкі ў небе”);

Карпаў Кірыл, навучэнец ДУА “Сярэдняя школа № 2 г. Беразіно”, – дыплом 2-й ступені (Артур Вольскі, “Мой скарб”);

Пашкоўскі Ілья, навучэнец ДУА “Дорскі вучэбна-педагагічны комплекс дзіцячы сад – сярэдняя школа” Валожынскага раёна, – дыплом 2-й ступені (Ніл Гілевіч, урывак з рамана ў вершах “Родныя дзеці”);

Назарава Юлія, навучэнка ДУА “Сярэдняя школа № 1 г. п. Смілавічы” Чэрвеньскага раёна, – дыплом 3-й ступені (Анатоль Вярцінскі, “Балада пра спаленую вёску і жывога пеўня”);

Харысава Аліна, навучэнка ДУА “Гімназія № 1 г. Слуцка”, – дыплом 3-й ступені (Таіса Трафімава, “Паспелі вішні”).

Віншуем юных чытальнікаў і іх педагогаў з перамогаю!

Жадаем творчага натхнення і поспехаў на рэспубліканскім этапе, які пройдзе ў г. Іванава Брэсцкай вобласці!

Мінскі абласны інстытут развіцця адукацыі