УВАГА, КОНКУРС!

Брэсцкае абласное аддзяленне Саюза пісьменнікаў Беларусі

запрашае да ўдзелу ў рэспубліканскім гумарыстычным конкурсе

“Папяровы бусел”.

 

ПАЛАЖЭННЕ

АБ РЭСПУБЛІКАНСКIМ ГУМАРЫСТЫЧНЫМ КОНКУРСЕ

«Папяровы бусел-2022»

Брэсцкае абласное аддзяленне Саюза пісьменнікаў Беларусі запрашае да ўдзелу ў рэспубліканскім гумарыстычным конкурсе “Папяровы бусел”.

 

Арганізатар:

1.1. Брэсцкае абласное аддзяленне Саюза пісьменнікаў Беларусі

Мэты:

2.1. Папулярызацыя сучаснай беларускай літаратуры, пошук і заахвочванне аўтараў, якія працуюць у гумарыстычным жанры.

Умовы ўдзелу:

3.1. У конкурсе не могуць удзельнічаць працы, што занялі прызавая месцы ў іншых творчых конкурсах.

3.2. У конкурсе прымаюць удзел аўтары, не маладзейшыя за 18 гадоў, грамадзяне Рэспублікі Беларусь.

3.3. У конкурсе не могуць удзельнічаць аўтары, якія былі пераможцамі мінулага сезона конкурсу “Папяровы бусел”.

3.4. Конкурс праходзіць на дзвюх мовах – беларускай і рускай.

3.5. У конкурсе ўдзельнічаюць раней нідзе не надрукаваныя творы.

3.6. Працы прымаюцца ў намінацыях:

проза (апавяданне, абразкі, афарызмы) да 10 000 знакаў;

паэзія (байка, пародыя, верш).

3.7. Тэматыка конкурсу – вольная.

Парадак правядзення конкурсу:

4.1. Конкурс праводзіццца з 20 лістапада 2021 г. па 10 студзеня 2022 г.

4.2. Працы дасылаюцца на электронны адрас Брэсцкага абласнога аддзялення tatiana.demidovich@gmail.com

4.3. У лісце трэба ўказаць кароткую біяграфію, намінацыю, дату стварэння твора, кантактныя даныя.

4.5. Дасылаючы на конкурс твор, удзельнік гарантуе, што з’яўляецца яго аўтарам і не парушае аўтарскіх правоў.

4.6. Аргкамітэт не разглядае творы, напісаныя ў сааўтарстве.

4.7. Аргкамітэт не разглядае творы, у якіх выкарыстоўваецца ненарматыўная лексіка, гучаць заклікі да насілля альбо міжнацыянальнай варожасці.

Падзвядзенне вынікаў конкурсу:

5.1. Усе працы ацэньвае журы, у складзе якога пісьменнікі, сябры Брэсцкага аддзялення СПБ, журналісты, бібліятэкары.

5.2. Кожны з членаў журы ацэньвае творы па дзесяцібальнай сістэме.

5.3. Каб павысіць узровень справядлівасці і непрадузятасці ацэньвання, усе працы разгляюцца ананімна.

5.4. Вынікі конкурсу абвяшчаюцца не пазней 25 студзеня 2022 г.

5.5. Аўтар, якія атрымае Гран-пры, будзе з’яўляцца пераможцам конкурсу і ўзнагароджваецца памятнай статуэткай і граматай, а таксама мае права на бясплатную публікацыю ў пятым нумары альманаха “Берасцейская скарбніца”.

5.6. Шэсць лаўрэтаў конкурсу атрымаюць памятныя дыпломы.

5.7. Арганізатары конкурсу не ўступаюць у перапіску з удзельнікамі конкурсу, не выдаюць сертыфікаты ўдзельнікаў конкурсу!

Старшыня Брэсцкага абласнога аддзялення СПБ Таццяна Дземідовіч