У пісьменніцы Ліліі Мялешка – юбілей!

Калегі па пяру шчыра і сардэчна віншуюць Мялешка Лілію Віктараўну з 75-гадовым юбілеем.

Лілія Віктараўна значную частку свайго жыцця аддала вывучэнню і выкладанню замежных моў, працы ў галіне адукацыі, паэтычнай творчасці. Яна з’яўляецца выдатнікам народнай адукацыі Беларусі, аўтарам кніг «Зялёная зорка», «Промні ў кронах», «Белая яхта» і іншых. Пісьменніца стварыла шмат паэтычных твораў, прысвечаных роднаму краю, сваёй малой радзіме, займаецца мастацкім перакладам, піша і для дзяцей.

Жадаем нашаму літаратару моцнага здароўя, творчага натхнення і дабрабыту!

З павагай,

старшыня Мінскага абласнога аддзялення

Саюза пісьменнікаў Беларусі                                 Л. М. Крыванос