“Паэзіі акрыленая муза”

Так называлася літаратурная гасцёўня,  якую ладзілі  ў Валожынскай раённай бібліятэцы ўдзельнікі народнага літаратурна-мастацкага аб’яднання “Рунь” і работнікі названай установы культуры.

Школьнікі і чытачы бібліятэкі з цікавасцю слухалі разважанні пра паэзію і, вядома ж, творы членаў Саюза пісьменікаў Беларусі Валянціны Гіруць-Русакевіч, якая і вяла гэтае мерапрыемства, Марыі Шакун, Галіны Радына-Марцінкевіч і таленавітай удзельніцы “Руні” Надзеі Агіевіч. А таксама змаглі пазнаёміцца з аформленай бібліятэкарамі  выставай калектыўных выданняў рунеўцаў і асабістых кніг паэтэс удзельнікаў гасцёўні.