“Гаворым па-беларуску” з Лёляй Багдановіч. Сустрэча ў Асіповічах

Дзяржаўная ўстанова адукацыі “Асіповіцкі дашкольны цэнтр развіцця дзіцяці” стаў месцам чарговай сустрэчы пісьменніцы з Барысава Лёлі Багдановіч. Сустрэча з самымі маленькімі выхаванцамі і іх бацькамі адбылася ў фармаце “Гаворым па-беларуску”. Выхавальніца садка Таццяна Казлоўская прачытала вершы беларускіх класікаў, вучні музычнай школы выканалі на цымбалах твор “Лявоніха”, а таксама некалькі втораў беларускіх кампазітараў. Лёля Уладзіміраўна пазнаёміла ўдзельнікаў імпрэзы з калектыўным зборнікам “Ад калыханкі да забаўлянкі”, а таксама некаторымі ўласнымі творамі.

Прэс-служба МАА ГА СПБ

АДЗІНАЯ, ЯК МАЦІ!                           Лёля Багдановіч

Не трэба мовы роднае цурацца –

На покуце ёй месца, ля святых.

Я беларусам маю гонар звацца.

І памятаю продкаў я сваіх.

 

На мове роднай пела песні маці

І казкі баіла бабуля мне.

Дзяцінства ў вясковай нашай хаце

Дагэтуль прылятае да мяне.

 

Няхай сабе абутая ў лапці,

Ды зіхаціць, як зорачка, уначы.

Пяшчотная. Адзіная. Як маці!

І мы яе павінны зберагчы.