Давайце пазнаёмімся: Уладзімір Цанунін

Ценунин ВладимирЦанунін Уладзімір Яфімавіч нарадзіўся ў 1954 годзе ў вёсцы Бацвінаўка Крычаўскага раёна Магілёўскай вобласці. Скончыў Магілёўскі педагагічны інстытут. Працуе настаўнікам гісторыі ў Дзіцячым рэспубліканскім аздараўляльным цэнтры «Надежда ХХI». Удзельнік народнага калектыва аўтарскай песні «Элегія» Вілейскага ДК, Віцебскага Цэнтра аўтарскай песні, клуба «Арфей». Іграе на гітары і некалькіх народных інструментах.

Вершы і песні піша з дзяцінства. Друкаваўся ў абласных і рэспубліканскіх газетах і часопісах: «Заря», «Адукацыя Міншчыны», «Вожык», «Першацвет», «Шлях перамогі», «Рэгіянальнай газеце», газеце Уздзенскага раёна «Чырвоная зорка», «Роднае слова», «ЛіМ». Лаўрэат VI віцебскага фестываля «Лицедейство старого города», «Бардаўская восень-2005» (Польша), рэспубліканскіх і абласных турыстычных злётаў, дыпламант абласнога фестывалю «Напеў зямлі маёй» (2006), удзельнік «Грушевского фестиваля» (Расія).

У 2010 годзе напісаў вершаваны тэкст да дакументальнага фільма «Горад на Вяллі», які заняў першае месца на I рэгіянальным конкурсе аматарскага краязнаўчага фільма ў Вілейцы. У 2011 годзе на вершы быў зняты дакументальны фільм пра Першую сусветную вайну, які атрымаў I месца на рэспубліканскім конкурсе «Праваслаўныя святыні беларускага народа». У 2012 годзе кліп па энергазберажэнні з вершаваным тэкстам заняў першае месца ў вобласці, а затым і ў рэспубліцы.

Асабістыя зборнікі: «Пушчанскія галасы» ( 2006), «Зачараваная чаромха» (2007), «Мы самі пра сябе» (2009), «Не отправленные пісьма» (2009), «У струменях часу» (2011), «Хто адкажа?» (2011).

Член Беларускага саюза музычных дзеячаў. Член СПБ.

Адзін каментарый

Добавить комментарий

Ваш email не будзе апублікаваны.

  • Кастусь, Ссылка

    Бязмежна рад за цябе, дарагі дружа! Так трымаць высокую планку майстэрства! Натхнення табе, даўгалецця і жыцця, і творчасці!!!