У Галіны Нічыпаровіч – юбілей!

1 лютага паэтэса і дзіцячая пісьменніца Галіна Міхайлаўна Нічыпаровіч адзначае 75-гадовы юбілей. Мінскае абласное аддзяленне Саюза пісьменнікаў Беларусі шчыра віншуе калегу з гэтай значнай жыццёвай датай.

Уздзенская зямля багатая на літаратурныя традыцыі і таленты. Сярод сучасных пісьменнікаў у гэтым прынёманскім краі адной з яркіх літаратурных зорак зіхаціць сваёй творчасцю Галіна Міхайлаўна. Яна вельмі сціплы, але таленавіты чалавек. Нават няпростае сялянскае жыццё не перашкаджае ёй пісаць для дзяцей і падлеткаў. Творы пісьменніцы вызначаюцца шчырасцю і цеплынёй. Вершы і казкі Галіны Нічыпаровіч вучаць чытачоў дабрыні, спагадзе, сяброўству, уважлівым адносінам да ўсяго, што нас акружае.

Жадаем Галіне Міхайлаўне добрага здароўя, бадзёрасці духу, дабрабыту і заўжды творчага настрою!

 

Старшыня

Мінскага абласнога аддзялення

Саюза пісьменнікаў Беларусі

Л. М. Крыванос