Прамова пра мову (Міжнародны Дзень роднай мовы)
Паводле статыстыкі ЮНЕСКА, беларуская мова — другая па мілагучнасці пасля італьянскай.
Пра гэта нагадаў Надзвычайны і Паўнамоцны Пасол Беларусі ў Францыі, Пастаянны прадстаўнік Беларусі пры ЮНЕСКА Павел Латушка з нагоды Міжнароднага дня роднай мовы.
Падчас тэматычнага мерапрыемства ў штаб-кватэры ЮНЕСКА пры ўдзеле кіраўніцтва і супрацоўнікаў сакратарыята арганізацыі ішла гаворка пра захаванне і развіццё моўнай разнастайнасці ў свеце на сучасным этапе і падыходаў да гэтага актуальнага пытання. Калі ЮНЕСКА абвяшчала Міжнародны дзень роднай мовы, галоўнай мэтай было дзейнічаць у інтарэсах культурнай разнастайнасці і шматмоўя.
«Якасць адукацыі, мовавыкладання і вынікі навучання» — так акрэсліла тэму сёлетняга Міжнароднага дня роднай мовы генеральны дырэктар ЮНЕСКА Ірына Бокава, адзначыўшы неабходнасць заахвочвання шырокага выкарыстання роднай мовы ў педагагічным працэсе, а таксама ў справе папулярызацыі і захавання розных моў.
На думку Паўла Латушкі, сярод асноўных мэт дзейнасці ЮНЕСКА немалаважнае месца належыць моўнай праблематыцы, бо мова — адзін з найбольш эфектыўных сродкаў захавання і развіцця сусветнай матэрыяльнай і нематэрыяльнай спадчыны, а распаўсюджванне родных моў спрыяе павышэнню ўзроўню адукаванасці.
Дана ХОДНІЧ
Мерапрыемствы нашага аддзялення з нагоды Дня роднай мовы – у галерэі Мінскага абласнога аддзянення Саюза пісьменнікаў Беларусі
