Гучала лірыка Людмілы Круглік

24 чэрвеня ў Дзяржынскай цэнтральнай раённай бібліятэцы адбылася прэзентацыя новага паэтычнага зборніка Людмілы Круглік “Жизнь рассыпала лет жемчуга”. Адбыўся лірычна-музычны аповед паэтэсы, у якім акрамя аўтара прынялі ўдзел кампазітар і выканаўца песень на словы Л. Круглік Тамара Кашчэва, бард Алена Жукоўская. Добрыя словы ў адрас Людмілы Уладзіміраўны выказалі дырэктар бібліятэкі Валянціна Клімовіч, старшыня Мінскага абласнога аддзялення СПБ Леанід Крыванос, паэт Антон Анісовіч, калегі па народным калектыве паэтаў і празаікаў “Выток”.

Мерапрыемства прайшло на высокай душэўнай творчай ноце. Удзельнікі пажадалі пісьменніцы натхнення і новых кніг.

Прэс-служба МАА СПБ