Пісьменнікі Міншчыны віншуюць хлебаробаў вобласці са святам “Дажынкі-2022”!

ТАБЕ, ХЛЕБАРОБ!

Ну вось і дачакаліся – Дажынкі:

Гуляй, зямелькі роднай гаспадар!

Па небу хмары ходзяць у абдымку,

Нясецца вецер, быццам, на пажар.

Ты заслужыў па праву гэта свята –

У полі недаспаў і недаеў.

А каравай прыгожы, наздраваты –

Такога не прысніш, каб і хацеў.

Я да зямелькі пакланюся нізка

Тваім рукам, кармілец-хлебароб,

За кожны бохан, абаранкаў нізку,

За кожнае зярнятка, кожны сноп!

Лёля Багдановіч, 20.09.2022 г.