Роднае Слова — у спадчыну

Падчас  святкавання дэкады роднай мовы адбылася сустрэча Таццяны Каленік з вучнямі 5 класа

сярэдняй школы № 141 горада Мінска.

На творчым мерапрыемстве пад назвай «Роднае Слова ў спадчыну» хлопчыкі і дзяўчынкі пазнаёміліся з кнігай «Бабуліны шпулькі». Гэта кніга — своеасаблівы помнік, які  Таццяна Каленік прысвяціла мілым куточкам свайго дзяцінства, непаўторнай песні лясоў і лугоў, гаючай сіле крыніц, людзям з добрымі вачыма і іх традыцыям. Аўтар праз свае ўспаміны спрабуе дастукацца да сэрца кожнага чытача, вярнуць яго да сябе, да сваіх Вытокаў.

Удзельнікі мерапрыемства ўбачылі на свае вочы захапляльныя ілюстрацыі, намаляваныя да кнігі школьнікамі, студэнтамі і настаўнікамі розных рэгіёнаў нашай бацькаўшчыны, узгадалі легендарных пісьменнікаў беларускай зямлі, атрымалі ад госці ў падарунак паштоўкі з самымі прыгожымі роднымі словамі.

Інфармацыя прэс-службы МАА ГА СПБ