Рагнед Малахоўскі. Інфармацыйны шум
інфармацыйны шум
бессаромна пранізвае целы
нахабна ўпіваецца ў душы
ён стаў для нас звыклы
нават традыцыйны
сярод ночы выціраю
лоб успацелы
затыкаю ватай
стомленыя вушы
шум інфармацыйны
вострыць лічбавыя іклы
ніхто не ведае
чаго ж ён хоча
а ва ўмовах такіх
паэты страляюцца
манатонна курсор мільгоча
і новыя літары
бясконца з’яўляюцца
