Пісьменнікі Уздзеншчыны на міжнароднай кніжнай выставе

На чацвёрты дзень працы ХХХІІ Мінскай міжнароднай кніжнай выставы суполку пісьменнікаў Уздзеншчыны на стэндзе Мінскай вобласці прадстаўляў вядомы краязнаўца, паэт, публіцыст Віктар Сабалеўскі. Акрамя аўтограф-сесіі, на якой ён прэзентаваў новую кніжку “Словам, фарбай, натхненнем”, аўтар адказваў на пытанні наведвальнікаў, даў некалькі інтэрв’ю карэспандэнтам з іншых рэгіёнаў Беларусі. Мерапрыемства было карысным і для самога пісьменніка, бо ён працуе журналістам у раённай газеце “Чырвоная зорка”. І ў бліжэйшы час выйдзе яго рэпартаж аб кніжнай выставе-кірмашы.

Прэс-служба МАА СПБ