Паўлінка запрашае ў Акопы!
Дзяржаўны літаратурны музей Янкі Купалы
сумесна з турыстычнай кампаніяй ТАА “Вегатур”
запрашаюць наведаць новы праект “Паўлінка ў Акопах”.
Дата правядзення: 25 ліпеня (субота)
11.00 — пачатак праграмы
(10.00 — ад’езд на аўтобусе ад Нацыянальнай бібліятэкі Беларусі)
Кошт:
Для дарослых – 4 рублі
Для дзяцей – 2 рублі
Праезд у аўтобусе па маршруце Мінск-Акопы-Мінск – 7 рублёў (+ экскурсія па дарозе).
Месца правядзення: філіял “Акопы” (в. Харужынцы, Мінская вобласць, Лагойскі раён).
Апісанне праекта:
3-х гадзінная інтэрактыўная праграма з паглыбленнем у атмасферу беларускага побыту пачатку 20 стагоддзя.
1 частка. Інтэрактыўная экскурсія па музеі.
2 частка (на тэрыторыі філіяла). Удзел у беларускім кірмашы разам з героямі п’есы «Паўлінка».
На тэрыторыі філіяла адноўлены аб’екты кірмашовай плошчы пачатку 20 стагоддзя, дзе госці адчуюць атмасферу народнага гуляння і атрымаюць асалоду ад нацыянальнага каларыту:
— наведаюць карчму «Апошні грош» і пакаштуюць беларускія закускі;
— пазнаёмяцца з традыцыйнымі рамёствамі і паспрабуюць свае сілы ў вырабе разнастайнай прадукцыі;
— набудуць вырабы народных умельцаў і натуральныя беларускія прадукты;
— паглядзяць выступленне тэатральных, музычных і цыркавых калектываў;
— правераць сябе на сілу і спрыт на атракцыёнах.
3 частка (на тэрыторыі філіяла). Пасля кірмашу ўсіх да сябе ў госці запрашае сям’я Крыніцкіх (Сцяпан і Альжбета). Далейшыя падзеі будуць адбывацца на галоўнай сцэне, а гледачы стануць іх актыўнымі ўдзельнікамі.
Госці садзяцца за сталы і лаўкі, Паўлінка падае беларускі нацыянальны пачастунак, адначасова на сцэне пачынаецца паказ ўрыўка са спектакля «Паўлінка». Афарызмы, якія сталі класікай, беларускія народныя песні і прыпеўкі нікога не пакінуць абыякавымі, і вядома, ніхто не зможа ўседзець на месцы, калі музыкі зайграюць польку, лявоніху і шляхетны падэспань.
Аднойчы наведаўшы гэта неверагодна маляўнічае месца, вы будзеце распавядаць пра яго сябрам і знаёмым, а таксама марыць прыехаць сюды зноў і зноў!
Даведкі на сайце http://paulinka.tilda.ws/ і па тэлефонах:
- МТС 8 029 306 78 55 (“Вегатур”).
- 8017 327 78 66 (музей);
