Давайце пазнаёмімся: Аляксандр Быкаў

_DSC0712Быкаў Аляксандр Генадзьевіч нарадзіўся 7 верасня 1954 года ў горадзе Барысаве. Закончыў Барысаўскую сярэднюю школу, служыў у арміі. Падчас службы атрымаў медаль “За працоўную адзнаку” (за ўдзел у ліквідацыі наступстваў паводкі на Брэстчыне). Працаваў трактарыстам у аб’яднанні “Барысаўдрэў”, затым — карэспандэнтам у шматтыражцы “Трыбуна наватара” завода БАТЭ. Закончыў завочна факультэт журналістыкі  БДУ, з 1985 года жыве  на Мядзельшчыне,  доўгі час, да красавіка 2015 года, узначальваў аддзел эканомікі раённай газеты “Нарачанская зара”. Член СПБ.

Творы змяшчаліся у раённым і рэспубліканскім перыядычным друку, штотыднёвіку “ЛіМ”, альманахах “Дзень паэзіі-2005”, “І зоркі над Бярэзінай ракой”,  “Міншчына літаратурная”, часопісах “Нёман”, “Роднае слова”, “Полымя”. Неаднаразова выступаў з вершамі на рэспубліканскім радыё і тэлебачанні. Выпусціў зборнікі вершаў на беларускай мове: “Кветка папараць”, “Пад небам бусліным”, “За межы круга”.  А таксама  прозы —“Бабуліны макі”.

За кнігу “За межы круга” атрымаў  рэспубліканскую прэмію “Залаты купідон” (2014 год).

Піша і гумарыстычныя творы, у тым ліку пародыі на айчынных аўтараў (змяшчаліся ў “Вожыку”, “ЛіМе”, газеце “Мінская праўда”.

У красавіку 2015 года стаў на БТ-5 удзельнікам гумарыстычнай тэлеперадачы Дыялог@блог P.S. (вядучыя Навум Гальпяровіч і Анатоль Зэкаў).

Няма каментарыяў

Добавить комментарий

Ваш email не будзе апублікаваны.