Давайце пазнаёмімся: Аксана Ярашонак

39rFSnfbdFg

Ярашонак (Камінская) Аксана Мікалаеўна нарадзілася ў 1982 годзе ў горадзе Маладзечна Мінскай вобласці, дзе скончыла школу. У 2000-2005 гадах вучылася ў Беларускім дзяржаўным педагагічным універсітэце імя М. Танка на філалагічным факультэце.  Жыве ў вёсцы Ілья Вілейскага раёна Мінскай вобласці, дзе працуе педагогам-арганізатарам у Ільянскай сярэдняй школе.

Друкавалася ў калектыўных зборніках паэзіі “Горад сонечных промняў”, “Нас слова Купалы да творчасці кліча”, “Панядзелак”, “Анталогія маладога верша”, “Мы – маладыя”, “Там, дзе Уша серабрыцца”, “Я не мыслю себя без России” а таксама ў зборніках паэтычных перакладаў “Из одной колыбели”, “Слово за словом”, “Я всеми силами храню”,  “Побеги славянского корня”, «Мой дзень пачынаецца».

Вершы і паэтычныя пераклады друкаваліся ў рэспубліканскім штотыднёвіку “Літаратура і мастацтва”, “Настаўніцкай газеце”, “Маладзечанскай газеце”, газеце  “Шлях Перамогі”,  часопісах  “Маладосць” і “Нёман”.

Лаўрэат Міжнароднага конкурса “В единстве наша сила” (Магілёў, 2012 год. Лаўрэат Міжнароднай  літаратурнай  прэміі “Пяць хлябоў” імя У. Нарбута (2015).

Фіналіст Міжнароднага літаратурнага конкурса “Я не мыслю себя без России” (Санкт-Пецярбург, 2014). Член Міжнароднага саюза пісьменнікаў і майстроў мастацтва.

У 2013 годзе ў г. Таганрогу выйшлі два зборнікі паэтычных перакладаў А. Ярашонак “Славянской боли кружева” і “Стихи спускаются с небес”.

Аўтар зборніка паэзіі  “Звычайнае шчасце” (Мінск, 2015).

Член СП Беларусі з 2015 года.

Адзін каментарый

Добавить комментарий

Ваш email не будзе апублікаваны.

  • stizhma, Ссылка

    Ось якая ёсьць у мяне слынная зямлячка. Без «РГ» i не ведаў бы пра яе iснаваньне.