Да 100-годдзя народнага пісьменніка Івана Пятровіча Шамякіна 

Іван Пятровіч Шамякін — адна з найбольш яркіх постацей у беларускай літаратуры ХХ стагоддзя. З-пад пяра пісьменніка выйшлі ў свет шматлікія апавяданні, аповесці і раманы, якія прынеслі яму славу «жывога класіка».

Плён творчай працы пісьменніка ацэнены высокімі ўзнагародамі: званнем «Народны пісьменнік Беларусі», Дзяржаўнай прэміяй БССР і двойчы Дзяржаўнай прэміяй БССР, Зоркай Героя Сацыялістычнай Працы, некалькімі ордэнамі і медалямі.  Імя І. П. Шамякіна носіць Мазырскі дзяржаўны педагагічны ўніверсітэт, вуліца ў Мінску. У яго гонар устаноўлена некалькі мемарыяльных дошак і бюст, а творы Івана Пятровіча  перакладзены больш чым на 30 замежных моў.

Іван Шамякін нарадзіўся 30 студзеня 1921 года ў вёсцы Карма Добрушскага раёна Гомельскай вобласці. Ён карыстаецца бяззменнай любоўю чытачоў не толькі ў Беларусі, але і за яе межамі. Можа, таму, нягледзячы на пандэмію,  юбілейныя ўрачыстасці на малой радзіме творцы праходзяць у атмасферы творчага ўздыму. З намі засталіся яго кнігі, героі,  мудрыя думкі-запаветы, яго заклапочанасць аб стане роднай мовы.

 

Інфармацыя прэс-службы МАА ГА СПБ