Запісы катэгорыі: Давайце пазнаёмімся

Давайце пазнаёмімся: Ірына Карнаухава

Ирина 2

Карнаухава Ірына Аляксандраўна працуе ў сістэме культуры 24 гады і  ў адукацыі – больш за 30 гадоў. Мае музычную (Мінскае музычнае вучылішча імя М.Глінкі)  і педагагічную адукацыі (Мінскі педагагічны інстытут імя М. Горкага). З 1993 па 2002 г.г. займала пасаду дырэктара Міханавіцкай школы мастацтваў (Мінскі раён). У 2002 годзе пачала працаваць у Дзяржаўнай установе “Мінскі  абласны цэнтр народнай творчасці” і арганізавала абласны клуб “Жывіца”, які аб’яднаў самадзейных аўтараў з гарадоў і раёнаў Міншчыны (з 2006г. мае ганаровае званне «народны»), якім кіруе і сёння. З’яўляецца складальнікам усіх 15 паэтычных, 3 нотных зборнікаў клуба і 5 песенных дыскаў. З 2014 г. па чэрвень 2016 г. – намеснік старшыні Мінскага абласнога аддзялення  АА «Саюз пісьменнікаў Беларусі».

Давайце пазнаёмімся: Таццяна Атрошанка

IMG_9855-

Таццяна Атрошанка – паэтэса, празаік, кампазітар. Лаўрэат прэміі “Залаты Купідон” (2013). Кіраўнік літаратурнага аб’яднання “Агмень” Палаца культуры г.Маладзечна.  У 2010 годзе пад яе кіраўніцтвам выйшла кніга вершаў “Агмень”. У 2010  убачыла свет і асабістая кніжка вершаў Таццяны Атрошанка “Не я…” Творчасць Таццяны Атрошанка не замыкаецца ў коле паэзіі. Яна піша і прозу, і п’есы, і, канешне,  песні, з’яўляючыся аўтарам як слоў, так і музыкі. Друкавалася  на старонках ”Маладзечанскай газеты”, “Авангарда”, ”Беларускай нівы”, “Мінскай праўды”, “Літаратуры і мастацтва”, часопіса “Маладосць”, часопіса”Вясёлка”, вучэбна- метадычным дапаможніку ”Музыка ў першым класе”, дзіцячым часопісе “Рюкзачок”, “Тут я бачу свой край” серыі “Маладзечаншчына літаратурная”, ”Міншчына літаратурная”, “Будакашалёўшчына літаратурная”, зборніку апавяданняў маладых пісьменнікаў “Кахаць і верыць” і  многіх іншых.